LANEKO SEGURTASUNAREN ETA OSASUNAREN HOMOLOGAZIOA
Laneko segurtasun eta osasunean homologatuta egoteko, ITELAZPI, SAren kontratistek edo ostatatuek, pertsona fisikoak nahiz juridikoak badira ere, ondorengoa bete beharko dute:
Lege-eskakizunak betetzea
Kontratistek edo ostatatuek ondorengoak bete beharko dituzte: eurei aplikatu beharreko lan-arloko araudia -legezkoa zein hitzarmenezkoa-, euren langileen Gizarte Segurantzari buruzko xedapenak, azaroaren 8ko 31/1995 Legeak ezarritako laneko arriskuen prebentzioari buruzko araudia, bertako garapeneko xedapenak eta xedapen osagarriak, eta lantokian prebentzio-neurriak hartzeari buruzko preskripzioak dituen edo sor ditzakeen beste edozein legezko zein hitzarmenezko arau.
ITELAZPIk kanpoko prebentzio-zerbitzua PREVITEK enpresarekin hitzartua du eta haren bidez kontrolatuko du indarrean dagoen legediak aurreikusitako eginbehar juridiko-laboralak betetzen diren edo ez.Lege-eskakizunak bete direla frogatzea
ITELAZPIk edozein unetan egiaztatu ahal izango du legeak exijitutako eskakizunak betetzen diren edo ez, horretarako beharrezkoak diren dokumentuak eskatuz.
Ondorengo helbidera bidali beharko dira eskakizunak bete direla ziurtatzen duten dokumentuak eta, zehazki, arriskuak prebenitzeko helburuarekin koordinatutako enpresa-jarduerei buruzkoak, halakorik balego:
PREVITASA, S.L. (PREVITEK)
Ubarburu Ibilbidea 39, Enertic Eraikina, 1. lokala (27 Pol.)
PK: 20.014 – Donostia-San Sebastian (Gipuzkoa)
Tel.: 943 317 426 – Faxa: 943 317 819
Harremanetarako: Mikel Villar
Helbide elektronikoa: mikel@previtek.com
Enpresa Jarduerak koordinatzea
ITELAZPIren zentro edo instalazioetan aldi berean kontratista edo ostatatu bat baino gehiago balego, ITELAZPI bera arduratuko da langileak laneko arriskuen aurrean babesteko beharrezko neurriak ezartzeaz eta enpresen arteko prebentzio-jarduerak koordinatzeaz.
Hori dela eta, ITELAZPIk, arriskuen berri eta aplikatu beharreko larrialdiko neurrien berri emango du, lantokietan dauden arriskuak prebenitzeko beharrezko argibideak emango ditu eta bertan jarduten diren enpresa kontratistek, azpikontratistek eta ostatatuek prebentzio-arauak betetzen dituztela begiratuko du.
Beraz, ITELAZPIren lantokietan dauden enpresa kontratistek edo ostatatuek Laneko Arriskuak Prebenitzeko araudia aplikatzen lagundu beharko dute, beren eginbeharrak betez eta, betetzen ez dituztenean, horren ardura hartuz.
Arriskuen Prebentziorako lankidetza-hitzarmen bat gauzatzeko, LAPLaren 24. artikuluan -“Enpresa Jardueren Koordinazioa”- eta hura garatzen duen 171/2004 EDan ezarritako eginbeharretan agintzen den bezala, ITELAZPIk ondorengo dokumentazioa jartzen du kontratistaren edo ostatatuaren esku:
