- “Euskal Emakumeak Zientzia eta Teknologian” izeneko erakusketa Olatz Garamendi Eusko Jaurlaritzako Gobernantza Publiko eta Autogobernuko sailburuak eta Itelazpiko zuzendari nagusi den Matxalen Lauzirikak inauguratu dute, erakunde laguntzaileetako arduradun gorenek, beren irudia hain eskuzabal eskaini duten emakumeetako batzuekin batera.
- Erakusketa otsailean egongo da ikusgai Abandoko geltokian, eta martxoan eta apirilean Unamuno eta Moyuako geltokietara joango da, hurrenez hurren.
- Neska eta Emakume Zientzialarien Nazioarteko Eguna ospatzen du ekimenak, joan den larunbatean, hilaren 11n.
Joan den ostiralean, Metro Bilbaoko Abandoko geltokian aurkeztu zen “Euskal Emakumeak Zientzia eta Teknologian” erakusketa, zientzia eta teknologia arloan erreferente diren euskal emakumeen ilustrazioak biltzen dituena. ITELAZPIk bultzatutako erakusketa Olatz Garemendi sailburuak inauguratu zuen, sozietate publiko hau atxikita dagoen sailaren titularrak. Sailburuarekin batera, ekimena posible egin duten erakundeetako arduradun gorenak izan ziren: Matxalen Lauzirika, Itelazpiko zuzendari nagusia, Eva Ferreira, Euskal Herriko Unibertsitateko (UPV/EHU) errektorea eta Eneko Arruebarrena, Metro Bilbaoko zuzendari nagusia. Hiru erakundeen arteko harremanean bikainari esker, ITELAZPIk Berdintasunarekiko duen konpromisoa ikusarazteko erabili duen mahaigaineko sentsibilizazio egutegitik datozen irudien erakusketa hau gauzatu ahal izan da. Ekitaldianirudietan eredu bezala azaldu diren zenbait emakume parte hartu zuten, baita ITELAZPIko berdintasuneko taldea erakusketa bultzatu eta gauzatu duena.
“Euskal Emakumeak Zientzia eta Teknologian” erakusketa Berdintasunarekin konpromisoa hartu duten erakundeek Neska eta Emakume Zientzialarien Nazioarteko Eguna (otsailak 11) ospatzeko otsailean egiten dituzten ekintzen barruan kokatzen da. Erakusketa otsail osoan zehar egongo da ikusgai Abandoko Metro Bilbaoko geltokian. Martxotik aurrera, erakusketa Unamunoko geltokian egongo da ikusgai, eta apirilean itxiko da zirkuitua Moyuako geltokian. Horrela, IKTen Erabilpenaren Nesken Nazioarteko Eguneko ospakizunetan ere parte hartuko dugu.
Informazio gehiago IREKIA-n.
