Online bisita

Gizarteak ezagutu gaitzan nahi dugu, eta, horregatik, gure zerbitzu eta azpiegiturei buruzko xehetasun guztiak emango dizkizugu

Zentro guztiak kalitate eta erabilgarritasun maila handiko telekomunikazio zerbitzuak emateko diseinatu eta hornituta daude. Azpiegituren kontserbazio egokia eta hornikuntza elektrikoa funtsezko faktoreak dira zentro bakoitza kudeatzeari dagokionez.
Itelazpik 240 telekomunikazio zentro baino gehiago kudeatu eta mantentzen ditu.
Zentro guztiak kalitate eta erabilgarritasun maila handiko telekomunikazio zerbitzuak emateko diseinatu eta hornituta daude. Azpiegituren kontserbazio egokia eta hornikuntza elektrikoa funtsezko faktoreak dira zentro bakoitza kudeatzeari dagokionez.

DORREA

Telekomunikazio zentro bakoitzeko dorrea antena guztiak hartzen dituen azpiegitura da. Itelazpik horiek mantentzeko lan guztiak egiten ditu, baita dorrearen berezko konponketak ere.

Egunerako baliza

Egitura zerrenda gorri-zuriz margotzea da, dorrea bertan dagoela adieraziz aireontzietarako arriskuak murrizteko; zerrendak dimentsiorik handienarekiko perpendikularrak dira, eta egituraren balizak zerrenda gorriarekin hasi eta amaitzen dira. Seinaleztatzeko zerrenden zabalera oztopoaren altueraren araberakoa izango da.

Granetez lotu

Dorreko torloju guztiak estutzea da, egoki kontserbatzen dela eta gaiari buruz dagoen araudia betetzen dela bermatzeko.

Bizi lerroak

Babesteko sistemak dira, altueratik erortzeko arrisku duten telekomunikazio dorreko hainbat lekutan ibili, egon edo lanak egitea ahalbidetzen dutenak. Oinarrian, bizi lerroak erorketen aurkako sistemak dira, norbera babesteko ekipamenduaren bitartez beraiei behar bezala lotuta dagoen erabiltzaileari segurtasuna bermatzen diotenak, bere osagaiak izan ohi dira arnesa, ainguraketa soka (batzuetan blokeagailuz hornituta, soka luze samarrak erabili ahal izateko), mosketoiak edo konektoreak eta energi xurgagailuak edo, bestela, ainguraketa soka dinamikoak.

Gauerako baliza

Helburua oztopoak argiztatzea da, dorrea bertan dagoela adieraziz aireontzietarako arriskuak murrizteko. Balizak ongi ikusteko moduan kokatzen dira, objektuaren forma orokorra definitzeko eta, oskarbi badago, gutxienez 1.000 metroko distantzia batetik identifikagarriak izateko, airetik ikusten diren objektuak badira, eta 300 metroko distantzia batetik lurretik ikusten diren objektuak badira, aireontziak objektuetara hurbildu daitezkeen norabide guztietan.

Tximistorratza

Itelazpin, 2007az geroztik, “Tximistaren Aurkako Babesa” lortzeko PDCE teknologia aukeratu da. PDCE-SENIOR-TXIMISTORRATZAK egiten duen funtzioa tximistaren prozesuaren inhibizioa da, desionizazioaren printzipioaren bitartez. Berrikuntza teknologikoak babestu nahi den egituran giro elektriko orekatua sortzea ahalbidetzen du. Ekaitzean zehar potentzialaren diferentzia bat gertatzen da hodeiaren eta lurraren artean(kargak), lurreko puntu nagusietan kontzentratzen dena.
Teknologia berriari esker, kargak, agertu ahala, lurreko kabletik lurreko hartuneko elektrodoetara ihes egiten duen korronte ahul bihurtzen dira.

Zimenduak

Telekomunikazio dorreko zimenduak jartzeko ekintza da.

ESPARRUA

Telekomunikazioetarako ekipamendua hartzen duen etxolak eta zentroaren hesiak osatutako esparruan mantentze lan hauek egiten dira.

Estaldurak

Kanpoko estaldurak: geletan sartzeko ateen egoera aztertzen da, baita esekitzeko, ixteko eta segurtasunerako elementuena ere. Barruko estaldurak: pinturan pitzadura edo arraildurarik, ezkatarik, hanturarik edo zati askaturik eta hezetasunik dagoen begiratzen da.

Fatxada

Eraikinaren paramentu bertikalen eta akaberen eta zokalo eta hesiko kareharrizko plaken egoera aztertzen da.

Estalkia

Estaltzeko zeramikazko teilak daudela eta hautsita dauden egiaztatzen da, baita euri urak jasotzeko PVCzko hodiaren egoera ere.

Babesteko elementuak

Su itzalgailu guztiak egiaztatzen dira, egoki aztertuta eta kargaren egoera ona dela bermatzeko, horretarako emandako araudiaren arabera.

Hesia

Bermatzeko Oinarri batek (perimetroa ixteko zimendua) eta Metalezko Modulu batzuek osatuta (ainguraketa bertikalak, ixteko moduluak, bandalismoaren aurkako babesa hesia koroatuz eta gainazalaren akabera).

Mimetismoa ingurunearekin

Telekomunikazio zentroa ingurunean mimetizatzea da; horretarako, bi kolore definitu dira paramentuetarako eta metalezko zatietarako. Paramentuetarako, “FRONTOI BERDEA” hautatu da, eta erdialdeko metalezko zatietarako, dorrea barne, “IZEI BERDEA”; gainera, beste teknika batzuk ere erabiltzen dira, esaterako, zuhaitz pantailak landatzea, horretarako Cupressus Leylandii espeziea erabiliz.

IRISTEKO BIDEAK

Itelazpik telekomunikazio zentrora iristeko bideak kontserbatzeko lanak egiten ditu, ahalik eta segurtasunik handiena bermatzeko.

Sarbideen kontrola

Itelazpik bideozaintzako sistema bat eta sarbidea erregulatzeko sistema bat dauka, zentralizatua, giltza bakarrarekin.

Kontserbazioa

Pistak kontserbatzeko, arroilak eta ur pasoak garbitzen eta profilatzen dira, oinarri granularreko zabaltza eta nibelazioa, eta hormigoizko edo aglomeratu asfaltikozko errodadurako geruza, eta behar denean ur paso berriak egiten dira.

Elurra kentzea

Gorabehera meteorologikoak gertatzen direnean, pistetako elurra kendu egiten da, telekomunikazio zentrora ibilgailuz joan ahal izango dela bermatzeko.

Kutxatilak konpontzea

Kanalizazioak jaso, lotu eta banatzeko zereginean kutxatilek zuzen funtzionatzen dutela bermatzeko xedearekin, behar den guztietan horiek konpondu egiten dira.

ENERGIA

Hornidura elektrikoa kudeatzea eta mantentzea faktore kritikoa da, zerbitzu etendura gehienen kausa elikadura falta izaten baita.

Multzo elektrogenoak

IItelazpik multzo elektrogenoak ditu C1 eta C2 zentro guztietarako, banatzailearen zerbitzu elektrikoarekin integratutako maila altuko automatekin. 24 orduz funtzionamenduaren jarraipena egiten da, Alarmak Kudeatzeko Sistema baten bitartez. Itelazpik Multzo Elektrogeno Mugikorrak ere baditu, C3 eta C4 tipologietako zentroak osatzeko.

Deposituak eta gasolioa

Itelazpik lurpeko Deposituak ditu, 20.000 litrora artekoak, eta horiek 20 eguneko zerbitzua bermatzen dute; 1.500 litroko kanpoko deposituak ere baditu.
Horiek guztiek zainketarik handiena behar dute eta ingurumen betekizunak bete behar dituzte.

Energia babestua

Itelazpi bateriak eta elikadura elektrikorako sistemak ditu (SAI), igorpenen segurtasuna bermatu ahal izateko. Baterien autonomia telekomunikazio zentroaren difusioaren tipologiaren eta garrantziaren araberakoa izango da.

Goi eta Erdi Tentsioko Lineak

Itelazpik goi eta erdi tentsioko lineak kudeatzen ditu, eta Tentsioa Egokitzeko Sistemak dauzka: portale transformadoreak, eraldaketa zentroak, eta isolamendu eta eraldaketa gelaxkak.