- • Otsailaren 11n, Itelazpik EITBko kanal berriak piztuko ditu Gipuzkoan.
- • EiTBk eta Itelazpik antolatutako eta Eudelek koordinatutako jardunaldiak aukera eman du prozesuari buruzko informazio garrantzitsua Gipuzkoako udaletara hurbiltzeko.
- • Komunitateek antena kolektiboak egokitu beharko dituzte, eta, piztutakoan, telebista-aparatua berriz sintonizatu.
Matxalen Lauzirikak, Itelazpiko zuzendari nagusiak, Mikel Aguirre EiTBko Ingeniaritza eta Ustiapen zuzendariarekin, Iñigo Perez Itelazpiko zuzendari teknikoarekin eta Eudeleko ordezkari batekin hitz egin du.
Matxalen Lauzirikak, Itelazpiko zuzendari nagusiak, Mikel Aguirre EiTBko Ingeniaritza eta Ustiapen zuzendariarekin, Joseba Intxausti Eudeleko Antolakuntza buruarekin eta Iñigo Perez Itelazpiko zuzendari teknikoarekin hitz egin du.
Datorren asteartean, otsailaren 11n, amaituko dira Gipuzkoan estatu mailako aldi bereko emisioak. Une horretatik aurrera, Itelazpik emisio autonomikoen piztea egingo du kanal berrietan (ikus irudia), eta kanal zaharrekin batera biziko dira ekainaren 30era arte. Hori izan da Gipuzkoako udalei eskainitako jardunaldi informatiboaren ardatz nagusia, eta horri esker, xehetasun handiagoz ezagutu ahal izan da beharrezko informazioa emateko eta herritarrei prozesuak sor ditzakeen zalantzak argitzeko prozesua. Jardunaldia Donostian izan da, Eudel Euskadiko Udalen Elkarteak koordinatu du, eta EiTBk eta Itelazpik aurkeztu dute. Itelazpik EiTBk eta Estatuko kateek hedadura-eremuetan eskaintzen dituzten emisio-zentroetako prozesuaren ardura du. Horrez gain, Bizkaiko eta Gipuzkoako telekomunikazio instalatzaileen elkarteek, ABITELek eta ADITEGIk ere parte hartu dute bileran..
Otsailaren 11tik aurrera, EiTB taldearen emisioak (bi eduki bereizmen handiko ETB-1 HD eta ETB-2 HD, eta lau kalitate estandarreko ETB-1, ETB-2, ETB-3 eta ETB-4) 48 kanalean emititzen hasiko dira. Une honetatik aurrera, antena kolektiboa egokitu ez duten erkidegoek kanal berriak sintonizatzeko egin beharko dute, betiere aurreikusitako laguntzak eskuratzeko baimena duen enpresa instalatzaile baten bidez. Eraikinaren tamainak eta antena kolektiboaren tipologiak ezarriko du egin beharreko prozedura (ikus irudia). Zalantzarik izanez gero, erkidegoa baimendutako enpresa instalatzaile batekin harremanetan jartzea gomendatzen da, hala badagokio, jarduketa mota planifikatzeko. Egokitzapenak amaituta, telebista-aparatua berriz sintonizatzea baino ez da faltako, ohiko kanalean emisioak ikusten ez diren unean egin behar baita..
Informazio gehiago nahi duenak 2. dibidendu digitalari buruzko atala.
Sakatu irudian, handitzeko.
Sakatu irudian, handitzeko.
LTD kanal irrati-elektrikoen taula.