Itelazpik ingurumena babesteko egiten duen esfortzua aitortu da; izan ere, karbono-aztarnaren, konpentsazioaren eta xurgapen-proiektuen erregistro nazionalean sartu da. Itelazpik jasotako aitorpen horretan, KALKULU-esfortzuez gain, MURRIZKETA-konpromisoen eraginkortasuna ere aintzat hartzen da.
Itelazpi karbono-aztarnaren erregistroan sartu da; horrela, ziurtatzen da hobekuntza bat egon dela 1+2 irismeneko berotegi-efektuko gasen murrizketan, hain zuzen ere, irrati- eta telebista-seinale garraiatzaileen jardueran. Hobekuntza hori 2014-2016 hirurtekoan eman da, 2013-2015 hirurtekoan lortutako emaitzekin alderatuta.
Antolakuntza baten karbono-aztarnak antolakuntza horrek garatzen duen jardueraren bidez zuzenean edo zeharka igorritako berotegi-efektuko gas guztiak zenbatzen ditu. Hiru gas-mota identifikatzen dira:
- – 1. Irismeneko gasak: Erregai-kontsumoek eragindakoak (gas naturala edo gasolioa, besteak beste) eraikinetan eta ibilgailuetan, baita klimatizazio/hozte ekipoetan loratutako gasen birkarga ere
- – 2. Irismeneko gasak: Eraikinetako elektrizitatearen kontsumoak sortutakoak
- – 3. Irismeneko gasak: Zeharkako beste igorpen batzuek eragindakoak, besteak beste: kanpoko garraiobideekin egindako bidaiak, azpikontratatutako zerbitzuak edo produktuak erostea.
Nekazaritza eta Arrantza, Elikadura eta Ingurumen Ministerioak sustatutako karbono-aztarnaren, konpentsazioaren eta xurgapen-proiektuen erregistro nazionalak berotegi-efektuko gasen ondorio kaltegarriak kontrolatzeko, murrizteko eta konpentsatzeko ekintza desberdinak abiarazten dituzten antolakuntzak jasotzen ditu.
Itelazpi garatzen duen jarduerak dakarren erantzukizunaren jakinaren gainean dago; izan ere, jardueraren zati handi bat burutzen da ingurune naturalean. Horregatik, duela urte batzuk, konpromiso irmoa dauka ingurumenarekiko, zehazki, gure jardueren eragina arintzen laguntzen duten neurrien programa batean gauzatuta; hala, Europako EMAS ziurtapenak aitortzen du hori.
Erregistrorako sarbidearen txostena ikusi
[caption id="attachment_76300" align="alignnone" width="600"]
Narbaiza Telekomunikazio Zentroa[/caption]
[caption id="attachment_76301" align="alignnone" width="600"]
Deba Lastur Telekomunikazio Zentroa[/caption]
[caption id="attachment_76302" align="alignnone" width="600"]
Olano Telekomunikazio Zentroa[/caption]
[caption id="attachment_76303" align="alignnone" width="600"]
Hirumugeta Telekomunikazio Zentroa[/caption]