Itelazpitik, EAEko irrati-komunikazio operadore publiko bezala, bat egin nahi dugu jardunaldi honekin gizartearekin hain lotuta dagoen segmentuaren parte diren eta garen pertsona guztien euskarri gisa.
“Irratia hondamendi eta emergentzi garaietan” izango da 2016ko otsailaren 13an ospatzen den Irratiaren Nazioarteko Egunaren 5. edizioko gaia.
Uholdeak, sumendi erupzioak, kutsadura nuklear edo masiboen istripuak, izurriteak, … 2015eko Hondamendien inguruko Nazioarteko Txostenaren arabera, Gurutze Gorria eta Ilargi Erdi Gorriaren Nazioarteko Federakuntzak argitaratua, munduak geroz eta jende gehiagori eragiten dioten hondamendiei aurre egin behar die. Irratiak bere erabilgarritasuna frogatu du hondamendien ondorengo momentuetan eta baita prebentzio eta errekuperazio garaietan. Irratiak, tsunami alertak bidaltzen ditu Japon edo Chilen, Liberian ébola birusaren transmisioa edo Brasilen zikaren kutsadura ekiditeko mezuak bidaltzen ditu. Komunikabide honek (irisgarria, eskuragarria, audientziara heltzeko ahalmena duena) ezinbesteko lana egiten du hondamendien prebentzioan eta arintzean eta biztanlerian izan dezaketen eraginen murrizketan.
2016 Irratiaren Nazioarteko Egunak irratiak emergentzi eta hondamendi garaietan daukan ezinbesteko garrantzia azpimarratu nahi du eta irrati publikoak, pribatuak, komunitarioak eta GKE humanitariok biltzen dituen ekintza positiboak bereiziko ditu.
UNESCOko landa-bulegoek eta UNESCOren beste kolaboratzaile batzuk mundu guztian zehar ehunka ekitaldi antolatuko dituzte.
Otsailaren 13an, Irratiaren Nazioarteko Egunaren orrialdean 19 orduko programazio esklusiboa entzun ahal izango da RFI (frantsesa, errusiarra, ingelesa eta txinatarra), Cadena SER (espainiarra) eta MCD-k (arabiarra) ekoiztuta.