-
- • Itelazpik bi urtean behin bere bezero eta hornitzaile diren enpresei inkesta egin zien emandako zerbitzuen funtsezko atalei buruz eta hainbat arlotan hartutako konpromisoei buruz
Itelazpik etengabeko hobekuntzarako duen politikaren arabera, bi urtean behin bere bezero eta hornitzaile diren enpresei inkesta egin zien emandako zerbitzuen funtsezko atalei buruz eta hainbat arlotan hartutako konpromisoei buruz, hala nola ingurumenean, pertsonen osasunean eta segurtasunean edo kudeaketaren gardentasunean. Aurten ere, Itelazpik aurreko inkestetan lortutako emaitza bikainei eutsi die. Horri guztiari esker, kualifikazio handiko giza talde batek, enpresa hornitzaileekin batera, zerbitzuak profesionaltasun eta konpromiso handienarekin ematen ditu.
Enpresa Bezeroak
Itelazpik hiru taldetan egituratzen du enpresa bezeroei egindako inkesta: irrati eta telebistaren garraio- eta hedapen-zerbitzuak, komunikazio kritikoen zerbitzuak (TETRA) eta elkarrekin kokatzeko zerbitzuak (espazioak alokatzea). Gure bezero diren enpresen balorazio orokorra 10etik 9 puntukoa izan da lehen bi zerbitzuetan, eta 8,5 puntukoa elkarrekin kokatzeko zerbitzuan, aurreko urteetako joerari eutsiz. Arlo teknikoan, nabarmentzekoa da hainbat alderdiren balorazio bikaina, hala nola gorabeheren kudeaketa, profesionaltasuna eta gure pertsonen arreta. Arlo korporatiboan, gure enpresa bezeroek modu bikainean aitortzen dituzte erantzukizun sozial korporatiboaren arloko ekintza, gardentasuna eta pertsonekin dugun konpromiso zorrotza, laneko segurtasunari eta osasunari dagokienez, besteak beste.
Enpresa Hornitzaileak
Gure enpresa hornitzaileen gogobetetze orokorra 10etik 9 puntutik gorakoa da. Zenbait alderdi nabarmentzen dira, hala nola ordainketa-epeak betetzea eta proiektuei aurre egiteko dugun zorroztasuna. Gure enpresa hornitzaileek urrats sendoak ematen dituzte beren kudeaketa-profilean, eta, adibidez, Obra Zibileko zerbitzuak eman dituzten enpresa guztiek badituzte kalitatearen, ingurumenaren, osasunaren eta laneko segurtasunaren ziurtagiriak.
Azkenik, parte hartu duten enpresa guztiei eskerrak ematea besterik ez zaigu geratzen; izan ere, inkestak aukera ematen digu gure kalitate-politika hobetzeko ahaleginak behar bezala bideratzeko.