Pasa den Apirilaren 27an Errenteriako Don Bosco Lanbide Heziketako Ikastetxe Integratura-ko ikasleek Jaizkibel telekomunikazio zentroa ikusi zuten beren irakasleekin batera. Jarduera hau gure Gizarte Erantzukizun Korporatiboarekin dugun konpromisoaren barne dago.
Gipuzkoako lurralde historikoko ipar-ekialdean, Pasaiako portuko sarrera eta Higer Lurmuturraren artean (Hondarribia) Lezo udalerritik barrena, Jaizkibel mendia dago, kostaldeko mendikateari dagokiona. Iparralderantz, itsasoari begira, itsaslabar ikusgarriek %50era heltzen diren maldak dauzkate mendebaldean, aldiz beste batzuk oso apalak dira higadura diferentzialak eraginda; hegoaldean, barru aldera, mailakatze zakarragoa dauka mendi magalak eta malda handiagoa.
Jaizkibel telekomunikazio zentroko bisitan zehar komunikazio dorrea ezagutzeko aukera izan zuten non Itelazpiko teknikariek banako babes-sistemak (babes-ekipamendua, arnesak, kako bikoitza, ainguratzeko gailua), eta irratia, telebista, Tetra, garraioen loturak eta beste hainbat irradiante-zerbitzuk osatzen duten zenbait antenen arteko desberdintasunak azaldu zizkieten.
Era berean bi aspektu nabarmendu zituzten: batetik, Laneko Segurtasunari dagozkion arriskuak gutxitzeko Itelazpik egiten dituen jarduerak, eta bestetik, ingurunean izan daitekeen eragina gutxitzeko burutzen dituztenak. Telekomunikazio zentroko gela guztiak bisitatu zituzten baita ere, energiari, garraioari, TETRAri eta difusioari buruzko sistema bakoitzaren inguruan azalpenak ematen zizkieten bitartean.
ITELAZPIk espero du euskal gizarteak orokorrean, eta bereziki gure inguruko ikastetxeek guganako interesa izaten jarraitzea, eta ahalik eta ongien zaintzen saiatuko gara Gizarte Erantzukizun Korporatiboarekin dugun konpromisoaren bitartez.
