-
Ekimenak urtean 365 egunetan berdintasunezko kultura sortzearen garrantzia gogorarazi nahi du.
-
Aurtengo egutegiak, UPV/EHUrekin lankidetzan garatutakoak dira , teknologia arloan erreferenteak diren irakasleak ikusaraziko ditu.
Joan den azaroaren 25ean emakumearen aurkako indarkeria ezabatzeko Nazioarteko Eguna ospatu zen. Egun jakin batzuetan berdintasunarekiko konpromisoa agerian uztearen garrantziaz jabetuta, Itelazpik bultzada bat eman nahi dio urteko 365 egunetan ikusarazteko. Horregatik, duela zenbait urtetik hona, Berdintasunaren hilabeteari amaiera emateko, Itelazpik bere mahai egutegia argitaratzen du, urteko egun guztietan Berdintasunaren beharraz jabetzeko eta konpromisoa mantentzeko.
Aurtengo egutegia UPV/EHUrekin lankidetzan garatu da. Bi erakundeek duten harreman estuari esker, egutegiak aukera emango du emakumeak teknologiaren munduan duen funtsezko eginkizuna ikusarazteko. Iazko egutegian protagonista izan ziren emakume aitzindariek, une honetan UPV/EHUn ikerketa-jarduera garrantzitsuak egiten dituzten erreferentziazko irakasleei ematen diete bidea.
Berdintasunaren alde 365 egun ekin nahi baduzu, gure egutegia deskargatu dezakezu hurrengo loturan.
