- Zamudioko egoitzan egindako topaketa batean, Itelazpik Euskal Mendizale Federazioarekin (EMF/FVM) duen aliantza berretsi du.
- Federazioko ordezkariek Ganeta mendiaren tontorreko instalazio enblematikoetako bat ezagutzeko aukera izan zuten.
Joan den urtarrilaren 31n, Itelazpik Zamudion duen egoitzan hitzarmenaren jarraipena egiteko bilera egin zen bi erakundeak batzen dituen EMF/FMVrekin. Federaziotik Zuzendaritza Batzorde berritu berriaren ordezkari batzuk etorri ziren bilerara, Ricardo Hernani presidentea buru zutela. Itelazpiren aldetik, Xabier Zubiaur zuzendari nagusiak parte hartu zuen, Iñigo Perez zuzendari teknikoak eta Jessica Gutierrez azpiegitura eta ingurumen arduradunak lagunduta.
Topaketak, beste urte batez, Itelazpik euskal mendizaletasunari emandako babesa berresteko balio izan zuen. Laguntza hori “Federazioak eta antolatzen ditugun martxetan parte hartzen duten mendizaleek asko estimatzen duten” zerbitzu batean gauzatzen da, Hernani presidenteak baieztatu zuenez. Itelazpik eskainitako zerbitzua komunikazioko terminal mugikorrak (TETRA) lagatzean datza, Euskadiko klubek antolatutako mendi martxak koordinatzeko. Erakundeko kideen arteko komunikazio-sistema hori funtsezko elementu bihurtu da “parte-hartzaileen segurtasuna bermatzeko”, Zigor Egia Federazioko lehendakariorde eta Segurtasun Batzordeko arduradunaren hitzetan.
Topaketa amaitzeko, Ganeta mendiaren tontorrean dagoen telekomunikazio-instalaziora bisita egin zuten. Itelazpiko zuzendari teknikoak Itelazpik Euskadin jarduten duen TETRA komunikazio kritiko mugikorren sarearen nondik norakoak azaldu zituen. Funtsezko alderdi gisa ulertu ahal izan zen zergatik egon behar duten zentro errepikatzaileek gure orografian nagusi diren eremuetan, erabilitako teknologiaren funtsezko baldintza gisa. Era berean, jakin ahal izan zen instalazioak hainbat operadoreri eskaintzen diela alokairu-zerbitzua, eta horrek gune pribilegiatu horietan instalazioak ugaritzea saihesten duela. Azkenik, Itelazpiko ingurumen-arduradunak aditzera eman zuen kontserbazioan, hondakinen tratamenduan, mimetizazioan eta ingurutik igarotzen diren mendizaleen ingurumen- eta ikusmen-inpaktua minimizatzeko beste neurri batzuetan egiten den ahalegina. Itelazpiko instalazioak erreferentzia bihurtu ziren ingurumen-kudeaketan, eta Europako Batzordeak 2023an onartu zuen arrakasta kasu gisa.
