Itelazpik OrbiWAN plataformaren euskarri teknikoko zerbitzua kontratatzeko prozesua abiarazi du. Plataforma hori funtsezko irtenbidea da Euskadiko LoRaWAN teknologian oinarritutako IoT sare publikoaren operazio, mantentze eta bilakaerarako.
Espediente berriaren helburua da Itelazpirentzat estrategikoa den azpiegitura baten jardunaren jarraitutasuna bermatzea. Azpiegitura horri esker, etengabe hazten ari den sare baten kudeaketa egin daiteke, eta teleirakurketarekin, udal-kudeaketarekin, energia-eraginkortasunarekin eta Gauzen Interneten oinarritutako beste zerbitzu publiko batzuekin lotutako proiektuei erantzuna eman. OrbiWisek garatutako OrbiWAN plataformak sareko zerbitzari zentral gisa jarduten du, eta gatewayen zein konektatutako azken gailuen kudeaketa integratua ahalbidetzen du.
Kontratazioak, besteak beste, euskarri tekniko espezializatuko zerbitzuak, plataformaren mantentze ebolutiboa, eguneratzeen exekuzioa, erabilera-lizentzien hornidura, optimizazio- eta automatizazio-lanak, baita langile teknikoentzako prestakuntza-ekintzak ere aurreikusten ditu. Horri esker, eskatutako zerbitzu-mailak mantendu ahal izango dira, eta sarearen egokitze-gaitasuna indartu egingo da, haren hedapen eta hazkunde progresiboaren aurrean.
Kontratazio berri honen bidez, Itelazpik funtsezko azpiegitura teknologiko bati jarraipena ematen dio, zerbitzu publikoen digitalizazioa bultzatzen jarraitzeko, eraginkortasun operatiboa hobetzeko eta Euskadiko IoT sare publikoaren gaineko erabilera-kasu berrien garapena laguntzeko.
Informazio gehiago (Euskadiko Kontratazio Publikoaren plataforma): OrbiWAN plataformaren euskarri teknikoko zerbitzua – Kontratatzailearen profila.
