- Ane Sanz Rekaldek, telekomunikazio ingenieritza Masterreko bigarren mailako ikasleak, jaso du aurtengo Itelazpi Teleko Saria.
- Proiektuak teleneurketa-sistema segurua garatzen du, Bilbao Bizkaia Ur Partzuergoaren konektibitate-beharretan oinarrituta.
Ostegun honetan, ekainaren 16a, Bilboko Ingeniaritza Eskolak (EHU/UPV) Itelazpi TelekoSaria jaso du. Sari hau Itelazpi eta Eskola duela 15 urte baino gehiagotik lotzen dituen lankidetza hitzarmenaren barruan kokatzen da. Oraingo honetan, epaimahaiak Ane Sanz Rekalde ikaslearen alde egin du, telekomunikazio ingeniaritzako masterraren bigarren urtea egiten ari dena. Matxalen Lauzirika Itelazpiko zuzendari nagusiak eman dio saria.
Sanzek proiektu bat egin du, non LoRa teknologian oinarritutako teleneurketa-sistema bat garatzen duen, irismen luzeko eta kontsumo txikiko sareak garatzeko garrantzitsuenetako bat (LPWAN). Sistema Bilbao Bizkaia Ur Partzuergoak izan ditzakeen beharrizanetan oinarrituta diseinatu da: ur-kontagailuak gainbegiratzea, kasu askotan eremu irisgaitzetan kokatuak, estaldura eta hornidura elektrikorik emateko aukerarik gabe.
Teleneurketa LoRa sare berrien aplikazio-eremu nagusietako bat da. Hain zuzen ere, Itelazpik aktiboki lan egiten du arlo horretan, eta teknologia horretan oinarritutako lehen sare publikoa hedatzen hasi da EAEn. Gainera, Itelazpik Bilbao Bizkaia Ur Partzuergoarekin lan egiten du, Sanzek bere proiektuan jasotzen duen esparruan, hain zuzen. Horrek, aurkeztutako emaitza bikainekin batera, epaimahaiak hartutako erabakia babesten du.
Itelazpik aurkeztutako gainerako proiektuen kalitatea nabarmendu nahi du, parte hartu duten ikasleak zorionduz. Gainera, eskerrak eman dizkio eta aintzat hartu nahi du Bilboko Ingeniaritza Eskolak sektore honetan hain beharrezkoak izango diren profesionalen formakuntzan egiten ari den lan bikaina, gizarte osoaren garapenerako baliogarria izango dena.
