Erakundearen Erantzukizun Sozial Korporatiboaren Planaren barruan kokatzen den ekimen honek telekomunikazioetako benetako instalazioetara hurbiltzen ditu ikasleak, eta haien prestakuntza akademikoa esperientzia praktiko baten bidez aberasten laguntzen du.
Itelazpik 2026-2027 aldirako bisita gidatuen programa jarri du abian. Ekimen honi esker, ikasleek benetako telekomunikazio-instalazio bat bertatik bertara ezagutzeko aukera izango dute, Arabako Gasteizko Zaldiaran mendian, Gipuzkoako Soraluzeko Karakate mendian eta Bizkaiko Munitibarko Oiz mendian dauden hiru telekomunikazio-zentroetara egingo diren bisiten bidez.
Bisitak urriko eta maiatzeko ostiraletan egingo dira, jarduera mota hau egiteko eguraldi-baldintzak, oro har, egokiagoak izaten diren garaietan.
Programa UPV/EHUko Bilboko Ingeniaritza Eskolarekin eta Ikaslan Euskadiko Lanbide Heziketako ikastetxe publikoen elkartearekin Itelazpik sinatuta dituen hitzarmenen bidez garatzen da. Era berean, erakundeak bisita bat gordetzen du bere azpiegiturak ezagutu nahi dituzten beste ikastetxe batzuentzat.
Dibulgazio-panela eta bisita birtuala
Berrikuntza gisa, Oizko zentroak Lurreko Telebista Digitalaren (LTB) sistemaren funtzionamendua modu laburrean azalduko duen dibulgazio-panel bat izango du. Sistema hori instalazio horri lotutako zerbitzu nagusietako bat da.
Horrez gain, Itelazpik bisita birtual bat garatzea aurreikusten du. Horren bidez, hezkuntza- eta lanbide-eremuko kolektiboek nahiz herritarrek azpiegitura horien helburua, jarduera eta funtzionamendua xehetasun handiagoz ezagutzeko aukera izango dute.
Bisita gidatuen programari eta parte hartzeko moduari buruzko informazio gehiago: Bisita gidatuak – Itelazpi
