- Itelazpik eta Ikaslan Euskadik 2017tik lotzen dituen lankidetza-hitzarmena berritu dute.
- Etapa berri honen barruan, joan den astean Itelazpik Eibarko Armeria Eskola bisitatu zuen.
Itelazpik eta Ikaslan Euskadik, Lanbide Heziketako Eskola Publikoen Elkarteak, beren bideak lotu zituzten 2017an lankidetza-hitzarmen baten bidez. Hitzarmen horren helburu nagusia, ikasleei Itelazpik eman zezakeen ezagutza praktikoa hurbiltzea eta telekomunikazio publikoen azpiegiturak eskolen esku jartzea izan ziren, baterako proiektuak eta ikerketa-ekimenak garatzeko.
Duela egun batzuetatik hona, Itelazpik eta Ikaslan Euskadik beren konpromisoa berritu dute hitzarmen berri baten bidez. Hitzarmen horren indarraldia mugagabea izango da, bi aldeek hala uste duten bitartean. Bi erakundeen arteko sintonia onak mesede egiten dio esparru berri horri, eta horrek erakusten du elkarlana sustatzen jarraitzeko interes komuna dagoela.
Hitzarmenaren barruan antolatzen diren funtsezko jardueren artean, joan den ostiralean, Eibarko LHko Armeria Eskolak, Karakateko (Soraluze, Gipuzkoa) zentro igorlea bisitatzen zuen. Telekomunikazio Sistemetako goi-mailako ikasleek potentzia handiko telekomunikazio-instalazio batek nola funtzionatzen duen zehatz-mehatz jakin ahal izan zuten. Instalazio horretatik, besteak beste, FM irrati-zerbitzuak, EiTB Mediaren LTD telebista eta TETRA irrati-komunikazioen zerbitzua eskaintzen dira, eta bertatik hainbat enpresa eragileri ostatua ematen zaie. Horrela, ingurumen-interes bereziko eremuetan kokapenak ugaritzea saihesten da.
