- Ikasleek telekomunikazio-zentro baten kudeaketa-lanak, emandako zerbitzuak eta erabilitako ekipamenduaren funtzionamendua ezagutu ahal izan dituzte.
- Bisita Itelazpik irakaskuntza arloan garatzen dituen konpromiso sozialeko ekintzen barruan kokatzen da.
Joan den ostiralean, azaroaren 24an, Jaizkibel mendian (Hondarribia, Gipuzkoa) dagoen telekomunikazio – instalazioak, Don Bosco LHko ikastetxeko (Irun) ikasle talde baten bisita jaso zuen. Ikasle horiek gaur egun Telekomunikazio Instalazioen Erdi Mailako 2. maila hasten ari dira.
Bisitari esker, ikasleek instalaziotik emandako zerbitzu nagusiak eta erabilitako ekipamenduaren funtzionamendua ezagutu ahal izan zituzten: EiTB Media erakunde publikoaren LTD eta FM irrati seinaleen hedapena eta hainbat irrati pribatu, alboko ikastetxeetara seinaleak banatzea, TETRA komunikazio profesionalen zerbitzuaren estaldura eta merkataritza-operadoreen baterako kokapena, batez ere telefonia mugikorreko zerbitzua emateko.
Ikasleek, halaber, bezeroekin ditugun zerbitzu-mailako konpromisoak babesteko beharrezkoak diren kudeaketa- eta mantentze-lanak ezagutu ahal izan zituzten: prebentzio- eta zuzenketa-mantentze-lanak, gorabeheren arreta, 24×7 monitorizazioa, instalazioen egokitzapena, etab. Azalpena osatzeko, ingurumen-kudeaketako eta laneko segurtasun eta osasuneko ekintza nagusiak errepasatu zituzten, Itelazpirentzat bi gai horiek duten garrantzia azpimarratuz.
Bisiten programa Itelazpik irakaskuntzarekin duen konpromiso sozialaren barruan kokatzen da, eta helburu nagusia ikasleen garapen akademikoa osatzen duen ezagutza praktikoa zabaltzea eta lekualdatzea da. Ikaslanekin, LHko ikastetxeen sare publikoa, ezarritako lankidetza-hitzarmenari esker egituratzen da programa.
Bisita-programari eta parte hartzeko moduari buruzko informazio gehiago nahi izanez gero, idatzi komunikazioa@itelazpi.eus helbide elektronikora.
