- Erakusketa atzo hasi zen ofizialki, Abantoko campusean, erakunde antolatzaileen ordezkariek (Parke Teknologikoa eta Itelazpi) eta Telekomunikazio Ingeniaritzaren Elkargo Ofizialak parte hartu zuten ekitaldi labur batean.
- Euskadiko teknologiaren eta irakaskuntzaren esparruan erreferente izan diren, diren eta izango diren euskal emakumeen hiru belaunaldi ezagutzeko aukera ematen du erakusketak.
- Ekimena posible izan da alderdi antolatzaileek STEM bokazioen garapenarekin duten konpromiso irmoari esker.
Euskadiko Teknologia Parkeko Abantoko campusean emakume erreferenteen “Euskal Emakumeak Teknologian” erakusketa izango da ikusgai hurrengo asteetan.
Atzo goizean, apirilak 29 astelehena, ekitaldi labur bat egin zen hasiera ofiziala emateko. Bertan, mugarri garrantzitsu hori ahalbidetu duten aldeek parte hartu zuten: Euskadiko Teknologia Parkeak berak eta Itelazpi Eusko Jaurlaritzako Telekomunikazio Sozietateak.
Ekimen horri esker, erakusketan bildutako hiru belaunaldietako emakumeak joan-etorri handiko eta erakusketa-potentzialeko espazioetan kokatuko dira, Teknologia Parkeko Campusetan, esaterako.
Parkearen izenean, Itziar Epalza zuzendari nagusia, Joseba Urbieta Derio-Zamudioko Campuseko zuzendaria eta Nerea Barbadillo komunikazio zuzendaria izan ziren. Telekomunikazio Sozietatearen ordezkari gisa, Xabier Zubiaur zuzendaria, Maria Jesús Gil Berdintasun Batzordeko ordezkaria eta Ramiro Olivas komunikazio eta eraldaketa digitaleko arduraduna bertaratu ziren. Oiane Niebla Euskadiko Telekomunikazio Ingeniaritzaren Elkargo Ofizialeko dekanoa ere bertaratu zen, erakusketan presentzia handia izan zuen kolektibo bat ordezkatuz: telekomunikazioetako emakume ingeniariak.
Itelazpiko Berdintasunaren aldeko egutegia, erakusketaren jatorria
“Euskal Emakumeak Teknologian” erakusketaren jatorria Itelazpik urtero argitaratzen duen Berdintasun Egutegian dago, genero indarkeriaren eta hizkuntza ez-sexistaren erabileraren aurka duen konpromiso irmoaren erakusle gisa, eta azken urteotan, emakumea teknologian ikusaraztearekin eta sustatzearekin batera.
Egutegiaren azken hiru edizioek euskal emakume erreferenteen hiru belaunaldi biltzen dituzte beren orrialdeetan: aitzindariak, egungo irakasleak eta ikertzaileak. David Fernandez Rementería ilustratzaileak, Tipografika agentziako bazkideak, atino handiz erretratatu zuen emakume talde hori, gehienak unibertsitateko irakaskuntzarekin lotuak eta UPV/EHUren laguntza paregabearekin hautatuak.
Itelazpiko Berdintasun Batzordearen proaktibitateari esker, ilustrazioak formatu handira igaro ziren, Metro Bilbaoren eta UPV/EHUren laguntzarekin. Erakusketa-panelak Abanton ikusi ahal izango dira jada, kokaleku garrantzitsuei lekukoa emanez, hala nola Bilboko metropoliko Abando, Moyua eta Unamunoko geltokiei, UPV/EHUko hiru campusei, Bilboko Ingeniaritza Eskolari edo BAT dorrean (Telekogaua), Euskadiko COITek telekomunikazioen sektorean antolatzen duen bi urteko topaketari.
STEM bokazioekiko eta GJHekiko konpromisoa
Atzo Abanton hasi zen eta Parke Teknologikoa Euskadin kokatzen den Campusak zeharkatuko dituen bira STEM bokazioen garapenarekin alde antolatzaileek duten konpromiso irmoari esker egin ahal izan da, baita erakusgai jarritako materialak sortzea ahalbidetu duten gainerako erakunde laguntzaileei esker ere.
Horiei guztiei eskerrak eman nahi dizkie Itelazpik, teknologiaren balio-kateko eragileek behin eta berriz identifikatutako arazo bat konpontzearen alde agertutako jarreragatik. Arazo hori konpontzeko funtsezkoa da ekimen publikoaren parte-hartzea. Hori dela eta, Itelazpik, sektore publikoko eragile gisa eta bere jarduera IKTetan errotuta egonik, konpromiso hau hartzen du Euskadi puntakoa, berritzailea eta iraunkorra eraikitzen laguntzeko, Euskadin 2030 Agenda garatzeko ezarritako GJHen aldeko Euskal Aliantzarekin bat etorriz.
