- Lehen bisita Oizko instalazioan egin da, Iurreta LHI eta Andra Mari LHI ikastetxeen parte-hartzearekin.
- Ekimen hau Itelazpiren Gizarte Erantzukizun Korporatiboaren Planaren (GEK) dibulgazio-arloko jardueren barruan kokatzen da, eta Ikaslan eta EHUrekin sinatutako lankidetza-hitzarmenei esker gauzatzen da.
- Bisita gidatuak 2025-2026 ikasturteko urria eta maiatza bitartean egingo dira.
Joan den ostiralean abiatu zen Itelazpiren telekomunikazio-instalazioetara egindako bisita gidatuen programa. Formazio Profesionaleko eta unibertsitateko ikasleei zuzendutako ekimen honen helburua da ikasleei prestakuntza osagarri praktikoa eskaintzea, ohikoan zailak diren azpiegitura teknologikoak gertutik ezagutzeko aukera emanez.
Lehen bisita honetan CIFP Iurreta eta CIFP Andra Mari (Galdakao) ikastetxeetako ikasleek hartu zuten parte, eta jarduera Itelazpik Oiz mendiko gailurrean duen instalazioan garatu zen.
Bisitan zehar, ikasleek potentzia handiko instalazio baten sistema elektrikoa, Euskadin 200 instalazio baino gehiago konektatzen dituen irrati-loturako telekomunikazio-sarea, eta EiTB taldearen FM irrati eta TDT telebistako transmisore-sistemak ezagutzeko aukera izan zuten, besteak beste.
Gizarte Erantzukizun Korporatiboa eta lankidetza
Bisita gidatuen programa Itelazpiren Gizarte Erantzukizun Korporatiboaren Planaren ekintza nagusietako bat da, ezagutzaren dibulgazioa eta prestakuntza teknikoa sustatzeko asmoz. Jarduera hau Ikaslan (Euskadiko LHko Ikastetxeen Elkartea) eta Bilboko Ingeniaritza Eskola (EHU/UPV) erakundeekin sinatutako lankidetza-hitzarmenei esker garatzen da.
Bisita gidatuak 2025-2026 ikasturte akademikoko urria eta maiatza bitartean programatuta daude.
